Машки труп изваден од каналот кај касарната

 На решетките пред затворениот дел од десниот магистрален канал кај некогашната касарна, во населбата Усова Чешма, утрово е пронајден машки труп, кој сеуште не е идентификуван. Телото го забележале и веднаш го пријавиле во Полициската станица, вработени во Водостопанство Брегалница, кои вршеле редовно чистење на каналскиот систем.

Се претпоставува дека починатиот е на в озраст помеѓу 60 и 70 години, а засега не се знаат причините, дали станува збор за несреќен случај со давење, или се работи за насилна смрт. Екипа од Одделението за внатрешни работи и јавен обвинител вршат увид на теренот, по што ќе бидат соопштени деталите.