БЛОКАДИТЕ ВО МИРУВАЊЕ, СЕ ЧЕКА РЕАКЦИЈА НА НАДЛЕЖНИТЕ

НАЈМАСОВНИОТ ПРОТЕСТ И БЛОКАДИТЕ НА ПАТИШТАТА КОИ БЕА ОРГАНИЗИРАНИ ВЧЕРА, ДЕНЕСКА СЕ СТАВЕНИ ВО МИРУВАЊЕ И СЕ ЧЕКА РЕАКЦИЈА НА РЕСОРНОТО МИНИСТЕРСТВО И ПРЕМИЕРОТ. ЗЕМЈОДЕЛЦИТЕ МЕЃУ ДРУГОТО БАРААТ ДА СТОПАНИСУВААТ СО НАВОДНИТЕЛНИОТ СИСТЕМ ЗА ПОЕФИКАСНО ПРОИЗВОДСТВО. ОПОЗИЦИЈАТА БАРА ВРАЌАЊЕ НА ОРИЗОТ ВО СТРАТЕШКИТЕ КУЛТУРИ

Оризопроизводителите од производствениот регион вчера го организираа најмасовниот протест и блокади на магистралните патишта на релација Штип – Кочани, а денеска штрајкот го ставија во мирување, во очекување дека нивниот глас дошол до надлежните за да преземат соодветни активности и да понудат мерки за исполнување на барањата.

Имено, вчера со трактори и друга механизација земјоделците блокираа по една лента од магистралните патишта и пред медиумите ги повторија барањата за средба со Министерот за ЗШВ Љупчо Николовски и со премиерот Димитар Ковачевски, за да си ги кажат маките. Притоа, и да им објаснат зошто бараат откупната цена на арпата да биде над 40 денари за килограм                                                                                                                                              

Поддршка на земјоделците им даде и екс министерот од Владата на ВМРО-ДПМНЕ, Цветан Трипуновски, кој предложи дека оризот треба да се врати меѓу стратешките култури .

  За решавање на состојбите во оризопроизводството, неопходно е да се реорганизира Водостопанство на Македонија, бидејќи натрупаните вработени по разни основи, не ги знаат проблемите на земјоделците                                                                                                                                              

Иако, според Иницијативниот одбор за спас на оризопроизводството, ова е трет протест изразен со блокирање на магистралниот пат, надлежните до сега не најдоа за потребно да реагираат.