ФК „Слога 1934“ не се спаси

ОТКАКО СЕ ОСТВАРИЈА СИТЕ КАЛКУЛАЦИИ КОЈ ИСПАЃА А КОЈ ОСТАНУВА, В САБОТА, СО ОДИГРУВАЊЕ НА ПОСЛЕДНОТО КОЛО, ЗАВРШИ ПРВЕНСТВОТО ВО ВТОРАТА ЛИГА НА МАКЕДОНИЈА. НОВИ ПРВОЛИГАШИ СЕ ВОСКА СПОРТ И ГОСТИВАР, БАРАЖ ЌЕ ИГРА ВАРДАР, А ИСПАЃААТ БОРЕЦ, СЛОГА И ЛОКОМОТИВА.

Во саботата заврши првенството во единствената втора лига на Македонија, кое во финишот беше филигрански изрежирано според потребите на највлијателните клубови. Аутсајдери победуваа фаворити, резултати одекнуваа сензационално, а сепак од никаде никакви реакции на незадовоство или задоволство.

Во последното коло, како и во неколкуте пред него, тие што требаше да опстанат се изнадаваа голови, другите беспомошно играа. Еве ги резултатите: Аресими – Тетекс 3:4, (потсетуваме пред две недели Вардар – Тетекс 1:2), Пелистер –Каменица Саса 0:0, Детонит – Слога 1934 2:1, Локомотива – Беса 2:0, Охрид – Беласица 3:0, Кожуф – Вардар 3:1, Караорман – Гостивар 0:2, и Борец – Воска Спорт 1:7.

Нови прволигаши се Воска Спорт и Гостивар, бараж ќе игра Вардар, а испаѓаат Борец, Слога и Локомотива.