„Осогово“ по три бода против „Кожуф“

Дербито на осумнаесетото коло од Втората фудбалска лига Исток се игра во Прилеп, каде Победа ја пречекува горопадната Беласица, која во првите две кола го сомле своите противници. Евентуален пораз на струмичани, ќе ги оддалечи од борбата за првата позиција, а победа ги ги исфрли како прв кандидат за титулата.

Второто големо дерби се игра во Виница, каде Слога 1934 ја пречекува Каменица Саса, на чело со новиот стратег Крсте Крстев, тренерот со кој започна успешната приказна на виничани.Слога ќе настојува да ги освои трите бода заради одржување на чекор со прилепчани, меѓутоа гостите од Македонска Каменица ќе настојуваат да се извадат за неочекуваниот пораз од Братство.

По победата против Пехчево, Осогово со зголемена самодоверба влегува во натпреварот со Кожуф и евентуална победа ќе значи многу, бидејќи ќе овозможи фаќање приклучок кон горниот дел на табелата.

Во ова 18-то коло играат: во Житоше, ФК БРАТСТВО 07 – ФК ДЕТОНИТ ЈУНИОР, во Прилеп ФК ПОБЕДА – ФК БЕЛАСИЦА, во Градско ФК ТИМ ЛОКОМОТИВА 2018 – ФК ПЕХЧЕВО (ФК КИТ ГО-ПЕХЧЕВО), во Кочани ГФК ОСОГОВО – ФК КОЖУФ ГЕВГЕЛИЈА и во Виница ФК СЛОГА 1934 – ФК КАМЕНИЦА САСА