Кочански „росонери“ во Милано за титулата
Дека фудбалот е најважна споредна работа на Светот уште еднаш потврдија кочанските фанови на еден од најдобрите клубови во Светот, италијанскиот Милан, кои на 2. И 3. мај пропатуваа над 1500, односно 3.000 километри, за да го поддржат својот миленик на патот кон шампионската титула. Во градот на модата го развеаја знамето со црвено-црните бои на популарните Росонери и го привлекоа вниманието на италијанската публика, но и на социјалните медиуми, кои на трибините на „Сан Сиро“, преку фото објективот, ја пронајдоа кочанската група.
![](http://aktuelnosti.mk/wp-content/uploads/2022/05/milan-1024x765.jpg)
Фан клубот од Кочани брои триесетина членови, кои се организираат пред секој натпревар на ФЦ „Милан“, заеднички навиваат и ги прославуваат успесите на својот омилен клуб. Опремени се со транспаренти, дресови и знамиња на клубот, и каде и да се појават, создаваат вистинска спортска атмосфера.