66 ветерници ќе вртат на Осогово

Ќе ги потврдат ли мерните станици првичните сознанија дека на поедини локации на Осоговските Планини дува доволно ветер за да се инсталираат ветерници за производство на струја? На оваа тема деновиве разговарале Градоначалникот на Општина Крива Паланка Борјанчо Мицевски, и менаџментот на компанијата „Вентус”, потенцијален инвеститор за изградба на ветерници на Козјачко-Осоговскиот Планински масив.

Постигнат е договор на почетокот на 2021 година да се постават две мерни станици од кои една на локалитетот на Осоговските Планини, а другата во Биљино. Од мерењата се очекува да се добијат првите валидни параметри, и да се потврдат сознанијата дека воздушните струења се доволни за рентабилност на системот ветерници

Доколку се исполнат сите предуслови, во втората фаза, со помош на странски стратешки партнер од Германија, ќе се пристапи кон изградба на  66 ветерници. Производството на електрична енергија од вакви алтернативни извори претставува инвестиција за иднината, бидејќи е во согласност и со еколошките тенденции, на кои светот и придава примарно значење.