Земјоделците вријат – договор или блокади

Почетните активности околу подготовката и наближувањето на пролетната сеидба ја зголемуваат нервозата кај оризопроизводителите во регионот, бидејќи доаѓа период на зголемени трошоци, а Владата никако да им удоволи на нивните барања. Велат дека повеќе немаат трпение и дека незадоволството кулминира, поради што најавуваат нови блокади на магистралните патишта и протести.

Со досегашната аграрна политика државата остана без млади земјоделци, кои заминаа во странство и ги оставија нивите. Сега некој ќе увезувал работна сила од други земји, а може ли некој подобро да ја обработува земјата од тие на кои им е татковина или дедовина. Истовремено алармираат дека во полињата се повеќе ниви остануваат необработени, што значи помало производство на храна. Со ваква откупно-прометна политика и цени, се поголемо земјоделско земјиште ќе остане запустено, што е катастрофално и за земјоделците и за државата

Сподели: