Парк од 50.000 евра-донација за градот

Компанијата „Алекс 3“, која е меѓу двестоте најуспешни водржавава, за наредната година крои крупни планови и инвестициски зафати, притоа не заборавајќи на општествената одговорност. На атрактивната локација на Калиманова Глава, покрај веќе постоечките станбени згради ќе се гради уште една, за заокружување на комплексот.

Но тоа што Алекс 3“ ја прави поразлична од другите компании е изградбата на парк,со многу содржини за деца како и за возрасни, кои тука ќе можат да уживаат во игри, рекреација и одмор.Се работи за инвестиција од педесетина илјади евра, кој откако ќе биде целосно завршена, паркот кој е на државно земјиште ќе и биде донирано, односно преотстапено на општината, која ќе се грижи за негово одржување.

Во моментот на локацијата се работи на ископ на над 7.000 кубици земја, потоа тампонирање на површината и инсталирање на содржините. Паралелно се работи на изведба на јавни паркинг места со бекатон плочки и поставување соодветна ограда.

Инаку, во паркот е планирано да бидат засадени повеќе од 100 зимзелени дрвја, да се изгради украсна фонтана, да се постават детски играчки, клупи како и друга парковна опрема. Инвеститорот најавува дека овој простор ќе биде еден од најубавите во градот.