Исплатата на пензии за септември ќе почне порано

Исплатата на пензии за септември 2020 година, со одлука на владата ќе започне порано. Фондот за пензиско и инвалидско осигурување до 25 септември треба да ги достави податоците за пензиите до деловните банки најдоцна за да се обезбеди пензионерите со септемвриските пензии да може да располагаат преку мрежата на банкомати и во трговската мрежа од 28.09.2020 година.

Исплатата на пензиите ќе се врши во четири фази:

– Во понеделник, на 28.09.2020 година исплата на пензии со висина до 11.000 денари;
– Во вторник, на 29.09.2020 година исплата на пензии во висина од 11.001 денари до 14.000 денари;
– Во среда, на 30.09.2020 година исплата на пензии во висина од 14.001 денари до 18.000 денари;
– Во четврток, на 01.10.2020 година исплата на пензии во висина над 18.000 денари.