Почна работата на платформата за онлајн настава

Новата учебна година ќе започне како што е планирано, но може да се прилагоди во зависност од епидемиолошката состојба со Ковид 19. Министерката за образование, Мила Царовска најави дека од денес на училиштата ќе  им бидат издадени лозинки за учениците за постепено да започне тестирањето на платформата за учење од далечина. Царовска рече дека Платформата за учење ќе обезбеди и психолошка помош, додека децата кои ќе отсуствуваат една недела ќе бидат посетени дома од страна на стручната служба на училиштето и наставниците.

Претседателот на синдикатот за образование, Јаким Неделков, рече дека вработените во образованието не можат да започнат со работа доколку не им бидат обезбедени потребните алатки. Тој додаде дека синдикатот добил многу поплаки од наставниците, кои се поврзани со спроведувањето на учењето од далечина.

Министерката за образование, Мила Царовска рече дека дел од училиштата веќе постигнале договор со вработените да ја користат нивната опрема додека не заврши набавката. Новата учебна година 2020-21 се очекува да започне во четврток, 1-ви октомври.