„Осогово“ започна со реми против прволигаш

Лошиот терен и четирите гола го одбележаа првиот контролен натпревар на Осогово, кое покажа повеќе отколку што се очекуваше, со оглед на фактот дека по долгата зимска пауза, фудбалерите во нозете имаа само неколку тренинзи. Сепак супер мотивиран против реномираниот противник  комбинираниот состав на „Работнички“ од Скопје, осогово одигра задоволитени 2:2.

Први во водство дојдоа гостите а домаќините пред крајот на полувремето, преку Стефан Стефановски израмнија на 1:1.

Условно, вториот состав на „Осогово“ кој Ефтим Аксентиев на почетокот на второто полувреме го внесе во игра, успеа да и донесе предност на домаќините, кои преку Драган Цветанов поведоа со 2:1. Сепак натпреварот заврши мирољубиво, бидејќи Работнички успеа да постигне втор гол и да стигне до конечните 2:2. На крајот сите задоволни го напуштија теренот, бидејќи тренерите имаат појасна слика за можностите на фудбалерите и кои лини треба да се воигруваат за да се подигне формата до почетокот на пролетната полусезона.

Сподели: