Отворена младинска канцеларија

Денеска во Мултикултурниот центар во Кочани беше отворена Младинска канцеларија од страна на Општина Кочани и Фондацијата за развој на локалната заедница.

Уредувањето и опремувањето е заедничка активност на Општина Кочани и Фондацијата за развој на локалната заедница Штип, во рамки на проектот „Направи разлика!“ имплементиран од Фондацијата за развој на локалната заедница – Штип, во партнерство со Ротари клуб Кочани и Виница и Ротари клуб Штип, финансиски поддржан од американскиот народ преку Агенцијата на САД за меѓународен развој (УСАИД).

На денешниот настан со младите од источниот регион се дискутираше за придобивките и потребата од нивното вклучување во развојот на локалните заедници, кои ја истакнаа важноста и потребата за Младинскиот центар како простор за интеграција со свој врснички круг, каде ќе ги споделуваат своите идеи, искуства и интереси.