Зеленото пазарче на Автобуската – на раскопано

Зеленото пазарче кај автобуската станица кое работи само во недела, и денеска беше полно со продавачи на земјоделски производи, и муштерии кои тука доаѓаат од сите делови на градот. Розови домати, пипер, класчиња, дињи и лубеници, произведени во овдешните градини и ниви, доминираат на импровизираните тезги.

Меѓутоа, пазарното расположение и атмосфера ги расипа раскопаниот тротоар, камењата и прашината, кои им создаваа проблеми и на тие што ги распослале производите, и на многубројните купувачи. Особено гласно реагираа повратниците од странство, кои дошле да купат намирници за на излет на Пониква, повторувајќи „балканци … “, алудирајќи на хаосот на пазарчето. Други коментираат дека требало прво да се обезбеди алтернативно решение, додека да се изградат кружните и тротоарите …