Се полни Ковид одделението на Физикална медицина во Кочани …

Изминатиот викенд во Ковид одделението на Физикална медицина во Кочани се регистрирани 15 пациенти коишто се хоспитализирани поради компликации од КОВИД 19. Од нив 12 се со потешка клиничка слика и на постојана кислородна поддршка, информираат од Општа болница со проширена дејност Кочани. Во текот на денешниот ден неколку пациенти ке бидат пуштени на домашно лекување, а со оглед на големиот притисок на пациенти на Инфективното одделение во Штип со корелација со тамошните лекари , неколку пациенти од Штип ке бидат преместени во кочанското ковид одделение.

Овде моментално има пет слободни болнички кревети, а се очекува до крајор на денот да бидат пополнети поради преземање на ковид пациенти од Инфективното одделение во Штип.

Инаку за време на викендот во Кочани се регистрирани 47 новозаболени пациенти , а бројот на активни е 162 .