Прес на ОК на ВМРО ДПМНЕ

Потпретседател на ОК на ВМРО-ДПМНЕ Кочани Гоце Марков

Водостопанската подружница ,,Брегалница” и подружницата ,,Тиквеш” се со највисока наплата од 12 – те подружници во Р. Македонија и нејасно е како може да биде исклучена електричната енергија на оваа наша подружница?!
Според ревизорските извештаи, Водостпанството учествува во плати со 80% и 20% дава за режиски трошоци, а НЕМА финансиски средства за основната дејност, како санација на дефекти, канали, каналетки, чистење цевки итн…
Гледаме дека немаат пари за плати за вработените, а со исклучувањето на електричната енергија, гледаме исто, дека не се плаќани НИТУ режиските трошоци.

ТОГАШ, КАДЕ СЕ ПАРИТЕ??

Затоа упатуваме ПОВИК до Владата на Р.Македонија, ако имало финансии кои на најчуден начин ја вратија струјата во Арачиново, доделени се плус финансиски средства за канализациона мрежа, ТОГАШ, да се обезбедат средства за санација на каналите, системот кој се распаѓа, и да се реши проблемот со електричната енергија, ако навистина е проблем на оваа подружница?!
А Јавното Обвинителство пак, да утврди кој, и како ги троши парите на земјоделците кои се борат за гола егзистенција?!
Бидејќи Основната дејност на Водостопанството, освен наводнувањето е регулација на речните корита и заштита од поплави се поставува прашањето како во овие услови ќе продолжи функционирањето на ова претпријатие?!
За илустрација и наполнување на ваквата слика во секторот земјоделие е и самата изјава на В.Д. Раководителот на водостопанската подружница ,,Брегалница”:

,,Само годинава наплатата на сметките за користење на нашите услуги е реализирана над 90% и парите се уплатени на заедничката сметка на претпријатието, така што, нејасно е зошто не се платени трошоците за струја!?”
Каде завршуваат парите на земјоделците?

Потпретседател на ОК на ВМРО-ДПМНЕ Кочани Гоце Марков