Две лица повредени, откако автомобил излета од патот кај Кочани

На 06.10.2023 во 18.40 часот во Полициска станица Кочани е пријавено дека на регионалниот пат Р-1 309 Кочани – Зрновци патничко моторно возило ,,голф“ со кочански регистарски ознаки, управувано од С.Д.(42) од Кочани, излетало од коловозот, соопшти МВР.

По несреќата, возачот и неговите двајца малолетни сопатници од Кочани биле пренесени во Општата болница Кочани, каде од лекар на возачот и едниот малолетник им биле констатирани телесни повреди, а на другиот малолетник му биле констатирани  тешки телесни повреди.

Увид на местото на настанот извршила екипа од Полициска станица Кочани.