Кочани со 22 новозаразени и 9 оздравени пациенти во последните 24 часа

Министерството за здравство информира дека во последните 24 часа се направени 2748 тестирања, а регистрирани се 934 нови случаи на ковид-19 од кои во Кочани се регистрирани нови 22 заразени пациенти.

Денеска Институтот за јавно здравје регистрира 454 оздравени пациенти од, а во Кочани се оздравени 9 лица.

Починати се 5 лица, тројца пациенти од Скопје (58, 68 и 75г) и двајца од Прилеп (73 и 78г). Сите се починати во болнички услови. 

Вкупната бројка на ковид дијагностицирани во нашата земја од почетокот на епидемијата изнесува 30488, бројката на оздравени пациенти е 20448, на починати е 982, а бројот на активни случаи изнесува 9058.